എബ്രിഡ് ഷൈന് സംവിധാനം ചെയ്ത ‘1983’ ഹിറ്റായി. 25 ദിവസം തികച്ച ഈ സിനിമയ്ക്ക് 2.75 കോടി രൂപയാണ് വിതരണക്കാരുടെ ഷെയറായി ലഭിച്ചത്. നിവിന് പോളിയുടെ ഗംഭീര പ്രകടനമാണ് ഈ സിനിമയുടെ ഹൈലൈറ്റ്.
അടുത്ത പേജില് -
പണം വാരിയ പ്രണയകഥ!
സത്യന് അന്തിക്കാട് സംവിധാനം ചെയ്ത ‘ഒരു ഇന്ത്യന് പ്രണയകഥ’യും ഹിറ്റാണ്. ഫഹദ് ഫാസിലും അമല പോളും തമ്മിലുള്ള കെമിസ്ട്രിയാണ് സിനിമയെ രസകരമാക്കുന്നത്. അതിനുമപ്പുറം ബ്രില്യന്റായി എഡിറ്റ് ചെയ്ത സ്ക്രിപ്റ്റും മനോഹരമായ സംവിധാനവും ചിത്രത്തിന് ഗുണമായി.
ഒമ്പത് ആഴ്ചകള് കൊണ്ട് ഏകദേശം നാലുകോടി രൂപ വിതരണക്കാരുടെ ഷെയര് വന്ന ഈ സിനിമയ്ക്ക് ഇപ്പോഴും നല്ല ജനത്തിരക്കുണ്ട്.
അടുത്ത പേജില് -
സൂപ്പര്ഹിറ്റ് ഓശാന!
‘ഓം ശാന്തി ഓശാന’ സൂപ്പര്ഹിറ്റായി മാറി എന്നതാണ് സര്പ്രൈസ് വാര്ത്ത. താരതമ്യേന ലോ ബജറ്റായ ഈ സിനിമയില് നസ്രിയയുടെ പ്രകടനമാണ് വന് വിജയത്തിലേക്ക് നയിക്കാനുള്ള മുഖ്യകാരണം.
മൂന്നാഴ്ചകൊണ്ട് ചിത്രം ആറേകാല് കോടി രൂപയോളം ഗ്രോസ് കളക്ഷന് നേടി. വിതരണക്കാരുടെ ഷെയറായി 2.85 കോടി രൂപയാണ് ലഭിച്ചത്. ഒരു സാധാരണകഥയുടെ രസകരമായ ആഖ്യാനമാണ് ചിത്രത്തെ തരംഗമാക്കി മാറ്റിയത്.
അടുത്ത പേജില് -
ദൃശ്യത്തേക്കുറിച്ച് പറയാന് വാക്കുകളില്ല!
ദൃശ്യത്തേക്കുറിച്ച് പറയാന് വാക്കുകളില്ല. മലയാളത്തിലെ മെഗാ ബ്ലോക്ക് ബസ്റ്ററായി മാറിയിരിക്കുകയാണ് ജീത്തു ജോസഫ് സംവിധാനം ചെയ്ത ഈ ഫാമിലി ത്രില്ലര്.
50 കോടി ക്ലബില് ഇടം പിടിച്ച ദൃശ്യം 75 ദിനങ്ങള് പിന്നിട്ടു. വിതരണക്കാരുടെ ഷെയറായി 20 കോടിയോളം രൂപയാണ് ലഭിച്ചത്. ഇപ്പോഴും 55 റിലീസിംഗ് സെന്ററുകളില് ഈ സിനിമ പ്രദര്ശിപ്പിക്കുന്നു. മോഹന്ലാലിന്റെയും മലയാള സിനിമയുടെ തന്നെയും ഏറ്റവും വലിയ ഹിറ്റായി ദൃശ്യം മാറിക്കഴിഞ്ഞു.