ചെങ്ങന്നൂരില്‍ കൊലചെയ്യപ്പെട്ട വിദേശമലയാളി ജോയ് മരിച്ചത് വെടിയേറ്റെന്ന് പോസ്റ്റ്മോര്‍ട്ടം റിപ്പോര്‍ട്ട്. ശരീരഭാഗങ്ങള്‍ പൂര്‍ണമായി ലഭിച്ചതോടെ ഇന്നാണ് പോസ്റ്റ്മോര്‍ട്ടം നടപടികള്‍ ആരംഭിച്ചത്. പിതാവിനെ വെടിവെച്ചു കൊന്നതിനുശേഷം ശരീരാവയവങ്ങള്‍ മുറിച്ചുമാറ്റി പമ്പയാറ്റിലും ചങ്ങനാശേരിയിലും ചിങ്ങവനത്തും നിക്ഷേപിച്ചതായി ഷെറിന്‍ നേരത്തെ പൊലീസിനോട് സമ്മതിച്ചിരുന്നു.
മുന്‍‌കൂട്ടി നിശ്ചയിച്ചപ്രകാരം ഷെറിന്‍ കൈയ്യില്‍ കരുതിയ വിദേശനിര്‍മ്മിത തോക്കുപയോഗിച്ച് ജോയിക്കെതിരെ വെടിയുതിര്‍ക്കുകയായിരുന്നുവെന്നാണ് പൊലീസ് പറയുന്നത്. പിന്നീട് മരിച്ചെന്ന് ഉറപ്പ് വരുത്തിയ ശേഷം ശരീരഭാഗങ്ങള്‍ വിവിധ ഇടങ്ങളില്‍ ഉപേക്ഷിക്കുകയായിരുന്നു.