രക്ഷിതാക്കളെ നഷ്ടപ്പെട്ട കുട്ടികളെ കണ്ടു, ആ വേദന എനിക്കറിയാം, ജീവിതത്തിലെ ഏറ്റവും ബുദ്ധിമുട്ടേറിയ ദിവസമെന്ന് രാഹുൽ ഗാന്ധി
ദുരന്തമുഖത്തുള്ള ഓരോ ആരോഗ്യപ്രവർത്തകരെയും രക്ഷാപ്രവർത്തകരെയും ഓർത്ത് അഭിമാനമുണ്ടെന്നും മുണ്ടക്കൈ- ചൂരൽമല ഉരുൾപ്പൊട്ടൽ ദേശീയ ദുരന്തമായി പ്രഖ്യാപിക്കണമെന്ന് കേന്ദ്ര സർക്കാരിനോട് ആവശ്യപ്പെടുമെന്നും രാഹുൽ ഗാന്ധി വ്യക്തമാക്കി. അതേസമയം ദുരന്തമുഖത്ത് രാഷ്ട്രീയ ആരോപണങ്ങൾക്ക് ഇടമില്ലെന്നും വയനാടിന് ഇന്ന് ആവശ്യമായത് സഹായമാണെന്നും മുഴുവൻ രാജ്യം തന്നെ വയനാടിനൊപ്പമുണ്ടെന്നും രാഹുൽ ഗാന്ധി വ്യക്തമാക്കി.
