സംസ്ഥാനത്ത് കുട്ടികൾക്കെതിരെയുള്ള അതിക്രമങ്ങൾ വർധിച്ച് വരികയാണ്. കഴിഞ്ഞ മൂന്ന് വർഷത്തിനിടെ സംസ്ഥാനത്ത് ലൈംഗികാതിക്രമത്തിനിരയായത് 4600 ഓളം കുട്ടികൾ ആണ്. ഏറ്റവും കൂടുതൽ കുട്ടികൾ പീഡനത്തിരയായത് തിരുവനന്തപുരം ജില്ലയിലാണ്. 489 കുട്ടികളാണ് തിരുവനന്തപുരത്ത് മാത്രമായി ഈ കാലയളവിൽ പിഡിപ്പിക്കപ്പെട്ടത്.
4589 കേസുകളാണ് രജിസ്റ്റർ ചെയ്തത്. ബോധവത്കരണവും കുട്ടികൾക്ക് നേരെയുള്ള അതിക്രമങ്ങൾക്കെതിരെ നിയമനടപടികളും ശക്തമായി നിലനിൽക്കുന്നുവെന്ന് അവകാശപ്പെടുമ്പോഴും ഓരോ വർഷവും ലൈംഗികാതിക്രമങ്ങൾ വർധിച്ചുവരികയാണ് എന്നാണ് കണക്കുകൾ പറയുന്നത്. കൊല്ലം ജില്ലയാണ് രണ്ടാംസ്ഥാനത്ത്. 466 കുട്ടികളാണ് ഇവിടെ അതിക്രമത്തിനിരയായത്.