രണ്ടാം പിണറായി സര്‍ക്കാരിന്റെ ആദ്യ രണ്ട് വര്‍ഷം മദ്യവില്‍പ്പനയിലൂടെ ലഭിച്ചത് 35,000 കോടി രൂപ. 2021 മെയ് മുതല്‍ ഇക്കഴിഞ്ഞ മെയ് വരെയുള്ള കാലയളവില്‍ 41.68 കോടി ലിറ്റര്‍ വിദേശമദ്യം വിറ്റെന്നാണ് കണക്ക്. വിവരാവകാശ രേഖയിലാണ് ഈ വിവരങ്ങളുള്ളത്. ഈ കാലയളവില്‍ 16.67 കോടി ലിറ്റര്‍ ബിയര്‍ വിറ്റഴിച്ചതായി ന്യൂ ഇന്ത്യന്‍ എക്‌സ്പ്രസ് റിപ്പോര്‍ട്ട് ചെയ്തു.
വിദേശമദ്യവില്‍പ്പനയില്‍ നിന്നും 31,911.77 കോടി രൂപയും ബിയര്‍,വൈന്‍ എന്നിവയില്‍ നിന്നും 3050.44 കോടി രൂപയുമാണ് ലഭിച്ചത്.24,539.72 കോടി രൂപയാണ് നികുതിയായി ബെവ്‌കോ ഖജനാവിലേക്ക് നല്‍കിയത്.