നെയ്യാറ്റിന്‍കരയില്‍ സനൽ കുമാർ എന്ന യുവാവിനെ ഡിവൈഎസ്പി ഹരികുമാർ വാഹനത്തിന്റെ മുന്നിലേക്ക് തള്ളിയിട്ട് കൊലപ്പെടുത്തിയ സംഭവത്തിന്റെ ഞെട്ടലിൽ നിന്നും പ്രദേശവാസികൾ ഇനിയും ഉണർന്നിട്ടില്ല. സംഭവത്തിൽ ഡിവൈഎസ്പി ആത്മഹത്യ ചെയ്യുകയും ചെയ്തിരുന്നു. എത്ര കിട്ടിയാലും പൊലീസുകാർ പഠിക്കില്ലെന്നതിന്റെ തെളിവാണ് കണ്ണൂർ പാടിക്കുന്നിൽ കഴിഞ്ഞ ദിവസം നടന്ന സംഭവം വിളിച്ച് പറയുന്നത്.
എന്നാൽ തന്റെ ദേഹത്ത് കൈവെയ്ക്കരുതെന്ന് യുവാവ് പറയുന്നത് വീഡിയോയിൽ കാണാം. പക്ഷേ, ഇത് കേൾക്കാൻ പൊലീസ് തയ്യാറാകുന്നില്ല. ഇതോടെ വീണ്ടും യുവാവിന്റെ കഴുത്തിന് പിടിച്ചുതള്ളുന്നതും ഭീഷണിപ്പെടുത്തുന്നതം വിഡിയോയില്‍ കാണാം. പിഴ എഴുതിയ ശേഷം തിരിച്ച് വണ്ടിയില്‍ കയറിയ ശേഷം വീണ്ടും ഇറങ്ങി വന്ന് യുവാവിനെ കയ്യേറ്റം ചെയ്യുന്നതും വീഡിയോയിലുണ്ട്. യുവാവിന്റെ സുഹൃത്താണ് വീഡിയോ പകര്‍ത്തിയത്.
