തോല്‍വിയുടെ ഉത്തരവാദിത്വം ഏറ്റെടുത്ത് മുഖ്യമന്ത്രി രാജിവെയ്ക്കണമെന്നാണ് പ്രതിപക്ഷം പറയുന്നത്. എന്നാല്‍ എന്തുകൊണ്ടാണ് ഹിമാചലിലെയും കര്‍ണാടകയിലെയും മുഖ്യമന്ത്രിമാര്‍ രാജിവെയ്ക്കാത്തത്. മുഖ്യമന്ത്രി രാജിവെയ്ക്കണമെന്ന് കോണ്‍ഗ്രസിന് ആ സംസ്ഥാനങ്ങളിലെ മുഖ്യമന്ത്രിമാരോടും ആവശ്യപ്പെടാമായിരുന്നില്ലെ. എത്ര കോണ്‍ഗ്രസ് മുഖ്യമന്ത്രിമാരാണ് രാജിവെച്ചത്.പിണറായി വിജയന്‍ ചോദിച്ചു. ലോകസഭാ- നിയമസഭാ തിരെഞ്ഞെടുപ്പുകള്‍ വ്യത്യസ്തമാണെന്നും മുഖ്യമന്ത്രി പറഞ്ഞു. കേരളത്തില്‍ സിപിഎമ്മിനെതിരെ ജനവിധി ഉണ്ടായിരിക്കുന്നു. എന്നാല്‍ അത് സംസ്ഥാന സര്‍ക്കാരിനെതിരായ വിധി അല്ലെന്നും പിണറായി വിജയന്‍ കൂട്ടിചേര്‍ത്തു.
