വിശ്രമിക്കാന്‍ റോഡരികില്‍ ബസിനടിയിലേക്ക് കാല്‍ നീട്ടി കിടന്നതിന് പിന്നാലെ കാലിലൂടെ കെഎസ്ആര്‍ടിസി ബസ് കയറി ശബരിമല തീര്‍ത്ഥാടകര്‍ക്ക് ഗുരുതര പരിക്ക്. ആന്ധ്രാസ്വദേശികളായ സായി മഹേഷ് റെഡി, സൂര്യബാബു എന്നിവരാണ് അപകടത്തില്‍പ്പെട്ടത്. എരുമേലി- ഇലവുങ്കല്‍- പമ്പ റോഡില്‍ തിങ്കളാഴ്ച പുലര്‍ച്ചെയോടെയായിരുന്നു സംഭവം.
ഇവിടെ ബസുകള്‍ തടഞ്ഞിട്ടിരിക്കുകയായിരുന്നു. ഈ സമയം ഇരുവരും ബസ് വിശ്രമിക്കുന്നതിനായി റോഡരികില്‍ ബസിനടിയിലേക്ക് കാല്‍ നീട്ടി കിടന്നു. ഇതറിയാതെ ഡ്രൈവര്‍ പിന്നീട് ബസ് മുന്നോട്ടെടുത്തപ്പോഴാണ് അപകടം സംഭവിച്ചത്. ഇവരെ കോട്ടയം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചിരിക്കുകയാണ്.