ആലപ്പുഴ-കണ്ണൂർ എക്പ്രസ് ട്രെയ്നിലുണ്ടായ ആക്രമണം എൻഐഎ അന്വേഷിച്ചേക്കും. സംഭവത്തെ കുറിച്ച് കേന്ദ്ര റെയിൽവേ മന്ത്രാലയം വിവരം തേടും. ട്രെയ്നിലെ ഡി വൺ കോച്ചിലാണ് ഇന്നലെ രാത്രി ആക്രമണമുണ്ടായത്. അക്രമണം ആസൂത്രിതമാണെന്ന് വ്യക്തമായിട്ടുണ്ട്.
ആക്രമണത്തിന് പിന്നിൽ തീവ്രവാദബന്ധമുണ്ടെന്ന സംശയം ശക്തമാണ്. ഈ സാഹചര്യത്തിൽ കേന്ദ്ര ആഭ്യന്തര മന്ത്രാലയവും എൻഐഎയും സംഭവത്തെ പറ്റി അന്വേഷിക്കും. ഇന്നലെ ചുവന്ന ഷർട്ടും തൊപ്പിയും ധരിച്ചയാൾ കയ്യിൽ കരുതിയിരുന്നകുപ്പിയിൽ നിന്നും ഇയാൾ യാത്രികരുടെ ദേഹത്തേക്ക് പെട്രോൾ വലിച്ചെറിഞ്ഞ ശേഷം തീ കൊളുത്തുകയായിരുന്നു. ഇതിൽ നിന്ന് രക്ഷപ്പെടാനായി പുറത്തേക്ക് ചാടിയ 3 പേർ മരിച്ചു. 9 പേർക്ക് സംഭവത്തിൽ പരിക്കേറ്റു. നാലു പേരുടെ നില ഗുരുതരമാണ്.
അക്രമിയുടേതെന്ന് കരുതുന്ന മൊബൈലും ഹിന്ദിയിലെഴുതിയ ബുക്കും ട്രാക്കിൽ നിന്നും പോലീസിന് ലഭിച്ചു. ഒരു കുപ്പി പെട്രോൾ,മൊബൈൽ ഫോൺ,പേഴ്സ്,ടീഷർട്ട്,കണ്ണട,ഇയർഫോൺ കവർ,കപ്പലണ്ടി മിഠായി എന്നിവയാണ് ബാഗിൽ നിന്നും കണ്ടെടുത്തത്.