കൊച്ചി: നഗരത്തില്‍ പുതുവത്സരാഘോഷം നടക്കുന്നതിനിടെ പുതുക്കലവട്ടത്തെ വീട്ടില്‍ നടന്ന കവര്‍ച്ചയില്‍ നഷ്ടപ്പെട്ടത് പതിനൊന്നു ലക്ഷം രൂപയുടെ സ്വര്‍ണാഭരണങ്ങളാണ്. പൊതുമരാമത്ത് വകുപ്പില്‍ ഇലക്ട്രിക്കല്‍ കരാറുകാരനായ പ്ലാസിഡിന്റെ വീട്ടിലാണ് മോഷണം നടന്നത്.
വിവാഹ ചടങ്ങുമായി ബന്ധപ്പെട്ടു വീട്ടുകാര്‍ രണ്ട് ദിവസങ്ങളായി ചുള്ളിക്കളിലുള്ള ബന്ധുവീട്ടിലായിരുന്നു. ഈ സമയത്താണ് മോഷണം നടന്നത്. വീടിന്റെ പിന് വാതില്‍ കുത്തിത്തുറന്നാണ് മോഷ്ടാക്കള്‍ അകത്തുകയറി അലമാരയിലെ സ്വര്‍ണ്ണം കവര്‍ന്നത്. കഴിഞ്ഞ ദിവസം രാവിലെ ബന്ധുവീട്ടിലെ കുട്ടി വന്ന നോക്കുമ്പോഴാണ് പിന് വാതില്‍ തുറന്ന നിലയില്‍ കാണപ്പെട്ടത്.
വിവരം പോലീസില്‍ അറിയിക്കുകയും തുടര്‍ന്ന് നടന്ന അന്വേഷണത്തിലാണ് മോഷണ വിവരം അറിയുകയും ചെയ്തത്. എളമക്കര പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.