സ്വവര്‍ഗാനുരാഗത്തിന് പ്രേരിപ്പിച്ച് വിദ്യാര്‍ഥിയെ പീഡിപ്പിച്ച സണ്‍ഡേ സ്‌കൂള്‍ അധ്യാപകന്‍ അറസ്റ്റില്. എറണാകുളം സ്വദേശിയായ സുരേഷ് (30) എന്നായാളെയാണ് വിദ്യാര്‍ഥിയുടെ പരാതിയെത്തുടര്‍ന്ന് ജുവനൈല്‍ ജസ്റ്റിസ് ആക്ട് പ്രകാരം അറസ്‌റ്റ് ചെയ്‌തത്.
സണ്‍ഡേ സ്‌കൂളിലെ 16കാരനായ വിദ്യാര്‍ഥിയെ സുരേഷ് ലൈംഗിക ചൂഷണത്തിന് വിധേയനാക്കുകയായിരുന്നു. മാസങ്ങളോളം ലൈംഗിക പീഡനത്തിന് വിദ്യാര്‍ഥി ഇരയാകുകയും ചെയ്‌തു. തുടര്‍ന്ന് വിദ്യാര്‍ഥി മാതാപിതാക്കളുടെ സഹായത്തോടെ പൊലീസില്‍ പരാതിപ്പെടുകയായിരുന്നു.
സുരേഷ് ലൈംഗികാതിക്രമത്തിന് ഇരയാക്കിയതിനൊപ്പം സ്വവര്‍ഗാനുരാഗത്തിന് പ്രേരിപ്പിച്ചതായും കുട്ടിയുടെ പരാതിയില്‍ പറയുന്നുണ്ട്. 2015 ഡിസംബര്‍ മുതല്‍ രണ്ട് തവണ ലൈംഗിക ചൂഷണത്തിന് വിധേയമാക്കിയെന്നും പരാതിയില്‍ വ്യക്തമാക്കുന്നുണ്ട്.
പൊലീസ് കേസ് രജിസ്റ്റര്‍ ചെയ്യുകയും സുരേഷ് മറ്റു കുട്ടികളെയും ഇത്തരത്തില്‍ പീഡനത്തിന് ഇരയാക്കിയിട്ടുണ്ടോ എന്നും അന്വേഷിക്കുന്നുണ്ട്. എറണാകുളത്തുള്ള ഒരു പള്ളിയിലെ സണ്‍ഡേ സ്‌കൂള്‍ അധ്യാപകനാണ് സുരേഷ്.