ഇടുക്കിയില്‍ അച്ഛന്റെ വെട്ടേറ്റ് മകന്‍ മരിച്ചു. ചെമ്മണൂര്‍ സ്വദേശി ജെനീഷ് ആണ് മരിച്ചത്. 38 വയസായിരുന്നു. ഇന്നലെ രാത്രി ഏഴ് മണിയോടെയാണ് സംഭവം. സംഭവത്തില്‍ അച്ഛന്‍ തമ്പിയെ ഇന്ന് രാവിലെ പോലീസ് കസ്റ്റഡിയിലെടുത്തു.
മദ്യലഹരിയില്‍ വീട്ടിലേയ്‌ക്കെത്തിയ ജെനീഷ് പിതാവിനെയും സ്വന്തം മക്കളെയും മര്‍ദിച്ചു. കുട്ടികളെ രക്ഷിക്കാന്‍ ശ്രമിക്കുന്നതിനിടെയാണ് ജെനീഷിനെ തമ്പി വെട്ടിയത്. കൈയ്ക്ക് വെട്ടേറ്റ ജെനീഷിനെ ഉടന്‍ തന്നെ അടുത്തുള്ള സ്വകാര്യ ആശുപത്രിയില്‍ എത്തിച്ചു. അവിടെ പ്രാഥമിക ചികിത്സ നല്‍കിയ ശേഷം കോട്ടയം മെഡിക്കല്‍ കോളേജ് ആശുപത്രിയിലേയ്ക്ക് മാറ്റിയിരുന്നു. ഇന്ന് പുലര്‍ച്ചെ അഞ്ച് മണിയോടെയാണ് മരിച്ചത്.