കണ്‍സ്യൂമര്‍ഫെഡ് 5 ലക്ഷം രൂപയുടെ കേക്കുകള്‍ കുഴിച്ചുമൂടുന്നു. ടെന്‍ഡര്‍ എടുത്ത കമ്പനി വിറ്റഴിയാത്ത കേക്കുകള്‍ യഥാസമയം തിരിച്ചെടുക്കാതെ ആയതോടെയാണ് കേക്കുകള്‍ ഗോഡൗണുകളില്‍ കെട്ടിക്കിടന്നത്. ഒരു വര്‍ഷത്തോളമായി വിറ്റഴിക്കാതെ കിടന്ന കേക്കുകളാണ് കുഴിച്ചുമൂടുന്നത്. കാലാവധി കഴിഞ്ഞതോടെ ഈ കേക്കുകള്‍ ഇനി വിറ്റഴിക്കാനും സാധിക്കില്ല.
അതേസമയം ഈ ക്രിസ്മസിന് കേന്ദ്രീകൃതമായി ടെന്‍ഡര്‍ വിളിച്ച് കേക്കുകള്‍ മേഖലാ കേന്ദ്രങ്ങളിലേക്ക് നല്‍കുന്ന നടപടി നിര്‍ത്തി. പകരം കേന്ദ്രങ്ങളോട് സ്വന്തമായി കേക്ക് സംഭരിച്ച് വില്‍പ്പന നടത്താനാണ് നിര്‍ദ്ദേശം.