മീനച്ചിലാറ്റില്‍ മുങ്ങി മരിച്ച വിദ്യാര്‍ത്ഥികളുടെ മൃതദേഹങ്ങള്‍ കണ്ടെത്തി

PRO

മീനച്ചിലാറ്റില്‍ മുങ്ങിമരിച്ച കുട്ടികളുടെ മൃതദേഹങ്ങള്‍ കണ്ടെത്തി. തിരുവഞ്ചൂര്‍ പാറമ്പുഴ ചെട്ടിപ്പടിക്കുസമീപം മാരായിക്കുളം ബാലകൃഷ്ണന്റെ മകന്‍ അരവിന്ദ് (ദീപു 15), ചെട്ടിപ്പടിയില്‍ താമസിക്കുന്ന പുതുപ്പറമ്പില്‍ സുനിലിന്റെ മകന്‍ അനന്തു (14) എന്നിവരുടെ മൃതദേഹങ്ങളാണ് കണ്ടെത്തിയത്.

ജൂലായ് 11-ന് സ്‌കൂള്‍ അവധിദിവസമാണ് ദുരന്തമുണ്ടായത്. വൈകിട്ടാണ് ആറ്റില്‍ കുളിക്കാനിറങ്ങിയ കുട്ടികള്‍ ഒഴുക്കില്‍ പെടുകയായിരുന്നു.

ഇവര്‍ക്കൊപ്പമുണ്ടായിരുന്ന ഒന്‍പതാംക്ലാസ് വിദ്യാര്‍ഥി വെള്ളത്തില്‍ വീണെങ്കിലും അത്ഭുതകരമായി രക്ഷപ്പെടുകയായിരുന്നു. ഒഴുക്കില്‍പ്പെട്ട അനന്തുവിനെ രക്ഷിക്കാനുള്ള ശ്രമത്തിനിടെയാണ് ശ്യാം വെള്ളത്തില്‍ വീണത്.