പൊലീസിനെതിരെ പോസ്റ്റര്‍ പതിക്കുന്നതിനിടെ രണ്ട് ജമാ‍‌അത്തെ ഇസ്ലാമി പ്രവര്‍ത്തകര്‍ അറസ്റ്റില്‍. എരഞ്ഞോളി ജുവനൈല്‍ഹോം കെയര്‍ടേക്കര്‍ കായ്യത്ത് റഹ്മയില്‍ ഷാനവാസ്(33), പാലിശേരി ചെറിയപാറക്കണ്ടിയില്‍ സി എം റഹീസ്(24) എന്നിവരാണ് അറസ്റ്റിലായത്.
ഡി വൈ എസ് പിയേയും പൊലീസിനേയും അപകീര്‍ത്തിപ്പെടുത്തിക്കൊണ്ടുള്ള പോസ്റ്റര്‍ പതിക്കുന്നതിനിടെയാണ് ഇവര്‍ അറസ്റ്റിലായത്. ശനിയാഴ്ച രാവിലെ എട്ടരയോടെ തലശേരി പഴയ ബസ്റ്റാന്‍ഡ് പരിസരത്താണ് ഇവര്‍ പോസ്റ്റര്‍ പതിപ്പിക്കാന്‍ ശ്രമിച്ചത്.
പൊലീസിനെതിരെ കലാപം നടത്താന്‍ ആഹ്വാനം ചെയ്യുന്നതാണ് പോസ്റ്ററിലെ വാചകങ്ങള്‍ എന്ന് പൊലീസ് അറിയിച്ചു.