കടുത്ത ബിജെപി അനുയായിയും തീവ്ര വലതുപക്ഷ നേതാവുമായിരുന്ന സന്ദീപ് വാരിയറുടെ വരവിനെ തുടര്ന്ന് യുഡിഎഫില് കടുത്ത ഭിന്നത. സന്ദീപിനെ കോണ്ഗ്രസില് എടുത്തത് പാലക്കാട് ഉപതിരഞ്ഞെടുപ്പില് തിരിച്ചടിയാകുമെന്നാണ് മുന്നണിയിലെ ഒരു വിഭാഗം കരുതുന്നത്. ഇന്നലെയാണ് ബിജെപി വിട്ട സന്ദീപ് കോണ്ഗ്രസില് ചേര്ന്നത്. മുസ്ലിം ലീഗ് അടക്കമുള്ള ഘടകകക്ഷികള് സന്ദീപിന്റെ വരവില് കെപിസിസി നേതൃത്വത്തെ അതൃപ്തി അറിയിച്ചിട്ടുണ്ട്.
