അന്തര്‍ദേശീയ നാണയനിധിയില്‍ 7 വര്‍ഷത്തെ സേവനത്തിന് ശേഷം പടിയിറങ്ങുന്നുവെന്നും അക്കാദമിക് തലങ്ങളിലേക്ക് മടങ്ങുന്നുവെന്നും എക്‌സില്‍ പങ്കുവെച്ച പോസ്റ്റില്‍ ഗീതാ ഗോപിനാഥ് പറഞ്ഞു. ഐഎംഎഫ് മാനേജിങ് ഡയറക്ടര്‍ ക്രിസ്റ്റലീന ജോര്‍ജിയേവയ്ക്കും തന്നെ മുഖ്യ സാമ്പത്തിക ശാസ്ത്രജ്ഞയായി നിയമിച്ച ഐഎംഎഫ് മുന്‍ മേധാവി ക്രിസ്റ്റീന്‍ ലഗാര്‍ഡിനും ഗീതാ ഗോപിനാഥ് നന്ദി അറിയിച്ചു. ഐഎംഎഫിന്റെ ഏറ്റവും ഉന്നത പദവിയിലെത്തിയ ഇന്ത്യക്കാരിയെന്ന നേട്ടത്തോടെയാണ് ഗീതാ ഗോപിനാഥിന്റെ പടിയിറക്കം.
