വിവോ സ്മാർട്ട്ഫൊണുകൾ കുറഞ്ഞവിലയിൽ സ്വന്തമാക്കാൻ അവസരം ഒരുക്കി ആമസോണിൽ വിവോ കാർണിവൽ. 6,000 രൂപ വിലകൂറവിലാണ് വിവോ വി19 ആമസോണിൽ വിൽക്കുന്നത്. ആഗസ്റ്റ് 21 വരെ ഈ ഓഫറിൽ വിവോ ഫൊണുകൾ വാങ്ങാനാകും. നോ കോസ്റ്റ് ഇഎംഐ, എക്സ്ചേഞ്ച് ഓഫറുകളും വിലക്കിഴിവിന് പുറമേ ലഭിയ്ക്കും. വിവോയുടെ എല്ലാ സ്മാർട്ട്ഫൊണുകൾക്കും വിലക്കുറവും മറ്റു ആനുകൂല്യങ്ങളും ലഭ്യമാകും.
വിവോ വി19
8 ജിബി റാം 128 ജിബി സ്റ്റോറേജ്, 8 ജിബി റാം 256 ജിബി സ്റ്റോറേജ് എന്നിങ്ങനെ രണ്ട് വേരിയന്റുകളിലാണ് വിവോ വി19 വിപണിയിലെത്തിയിരിയ്ക്കുന്നത്. 6.44 ഇഞ്ച് ഫുൾ എച്ച്ഡി പ്ലസ് സൂപ്പർ അമോലെഡ് ഡിസ്‌പ്ലേയിലാണ് സ്മാർട്ട്ഫോൺ പുറത്തിറങ്ങിയിരിക്കുന്നത് 91.38 ശതമാനം സ്ക്രീന്‍ ബോഡി അനുപാതം സ്മാർട്ട്ഫോണിന്റെ പ്രത്യേകതയാണ്. 48 മെഗാപിക്സൽ പ്രൈമറി സെൻസറോടുകൂടിയ ക്വാഡ് റിയർ ക്യാമറകളാണ് സ്മാർട്ട്ഫോണിൽ നൽകിയിരിക്കുന്നത്. എട്ട് മെഗപിക്സലിന്റെ സെക്കൻഡറി സെൻസറും 2 മെഗാപിക്സൽ വീതമുള്ള മറ്റു രണ്ട് സെൻസറുകളുമാണ് ക്വാഡ് റിയർ ക്യാമറയിലെ ബാക്കി അംഗങ്ങൾ.