ഇന്നലത്തെ പ്രകടനത്തോടെ ഏറ്റവും കൂടുതല്‍ ഐപിഎല്‍ സീസണുകളില്‍ 600+ പ്രകടനം നടത്തുന്ന താരമെന്ന റെക്കോര്‍ഡും കോലി സ്വന്തമാക്കി.ഇതിന് മുന്‍പ് 2013,2016,2023,2024 സീസണുകളില്‍ കോലി 600ന് മുകളില്‍ റണ്‍സുകള്‍ സ്വന്തമാക്കിയിട്ടുണ്ട്. നാല് ഐപിഎല്‍ സീസണുകളില്‍ 600+ റണ്‍സ് കണ്ടെത്തിയിട്ടുള്ള കെ എല്‍ രാഹുലാണ് കോലിക്ക് പിന്നില്‍ രണ്ടാമതുള്ളത്. അതേസമയം ഐപിഎല്ലില്‍ ഏറ്റവും കൂടുതല്‍ അര്‍ധസെഞ്ചുറികളെന്ന ഹൈദരാബാദിന്റെ ഇതിഹാസതാരമായ ഡേവിഡ് വാര്‍ണറുടെ റെക്കോര്‍ഡും കോലി മറികടന്നു. ഐപിഎല്ലിലെ അറുപത്തിമൂന്നാം അര്‍ധസെഞ്ചുറിയാണ് കോലി ഇന്നലെ ലഖ്‌നൗവിനെതിരെ നേടിയത്.
