' ഇതൊരു മികച്ച മത്സരമായിരുന്നു. ബൗളര്‍മാര്‍ കാണിച്ച ധൈര്യം ഞെട്ടിപ്പിക്കുന്നതായിരുന്നു. സത്യസന്ധമായി പറഞ്ഞാല്‍, ഈ അവാര്‍ഡിനു യഥാര്‍ഥ അര്‍ഹതയുള്ളത് ബൗളിങ് യൂണിറ്റിനാണ്. ഈ ഗ്രൗണ്ടില്‍ ബാറ്റര്‍മാരെ പിടിച്ചുകെട്ടുക അത്ര എളുപ്പമുള്ള കാര്യമല്ല. ഈ ജയത്തിനു പിന്നില്‍ പൂര്‍ണമായും അവരാണ്. ടീമിനായി ബൗളര്‍മാര്‍ പദ്ധതികള്‍ ആവിഷ്‌കരിച്ചു നടപ്പിലാക്കിയത് ഗംഭീരമായാണ്. കളി അവസാനത്തേക്ക് എത്തിക്കുകയും ക്രുണാല്‍ പാണ്ഡ്യയുടെ ശേഷിക്കുന്ന ഓവര്‍ അവസാനം എറിയിപ്പിക്കുകയും ആയിരുന്നു ഞങ്ങളുടെ പദ്ധതി. ക്രുണാലും സുയാഷ് ശര്‍മയും മികച്ച രീതിയില്‍ പന്തെറിഞ്ഞു,' രജത് പറഞ്ഞു.
