ആര്‍സിബിക്കായി അവസാന ഓവര്‍ എറിഞ്ഞത് ക്രുണാല്‍ ആണ്. ഈ സമയത്ത് ഗ്രൗണ്ടിലെ സ്‌ക്രീനില്‍ ഡഗ് ഔട്ടില്‍ ഇരിക്കുന്ന ഹാര്‍ദിക്കിന്റെ മുഖം പലവട്ടം തെളിഞ്ഞു. ഹാര്‍ദിക്കിന്റെ ബാറ്റിങ്ങില്‍ മികവില്‍ മുംബൈ ജയിക്കുമെന്ന് തോന്നിപ്പിച്ച ഒരു ഘട്ടമുണ്ടായിരുന്നു. എന്നാല്‍ ഹാര്‍ദിക് പുറത്തായതോടെ കാര്യങ്ങള്‍ ആര്‍സിബിക്ക് അനുകൂലമായി. 15 പന്തില്‍ മൂന്ന് ഫോറും നാല് സിക്‌സും സഹിതം 42 റണ്‍സാണ് ഹാര്‍ദിക് നേടിയത്.
' ഏതെങ്കിലും ഒരു പാണ്ഡ്യയെ (താനോ ഹാര്‍ദിക്കോ) ജയിക്കൂ എന്ന് ഞങ്ങള്‍ക്കറിയാം. ഞങ്ങള്‍ക്കിടയിലെ സ്‌നേഹവും അടുപ്പവും വളരെ സ്വാഭാവികമായി ഉള്ളതാണ്. ഹാര്‍ദിക് വളരെ നന്നായി ബാറ്റ് ചെയ്തു, അവനെ കുറിച്ച് ഓര്‍ക്കുമ്പോള്‍ വിഷമമുണ്ട്. എന്നാല്‍ ടീം ജയിക്കുക എന്നുള്ളതാണ് ഞങ്ങള്‍ക്കു പ്രധാനം,' ഹാര്‍ദിക് പറഞ്ഞു.
