പാർട്ടിക്കിടെ ഡൽഹി ക്യാപ്പിറ്റൽസ് താരം യുവതിയോടെ മോശമായി പെരുമാറിയതിനെ തുടർന്ന് താരങ്ങൾക്ക് കർശനമായ പെരുമാറ്റചട്ടങ്ങൾ കൊണ്ടുവന്ന് ഫ്രാഞ്ചൈസി. സംഭവത്തെ തുടർന്ന് കൂടുതൽ നിയന്ത്രണങ്ങൾ ക്ലബ് ഏർപ്പെടുത്തിയതായാണ് റിപ്പോർട്ട്. ഗസ്റ്റുകൾക്ക് കളിക്കാരുടെ മുറികളിലെത്താൻ അനുവാദം ആവശ്യമാണെന്നും 10 മണിക്ക് ശേഷം ഗസ്റ്റുകളെ ഒഴിവാക്കണമെന്നും നിർദേശങ്ങളിൽ പറയുന്നു.
ഇന്ത്യൻ എക്സ്പ്രസാണ് വാർത്ത റിപ്പോർട്ട് ചെയ്തത്. പാർട്ടിക്കിടെ ഒരു ഡൽഹി ക്യാപ്പിറ്റൽ താരം യുവതിയോട് മോശമായി പെരുമാറിയതിനെ തുടർന്നാണ് നിയന്ത്രണങ്ങൾ ഏർപ്പെടുത്തിയത്. നിലവിലെ സീസണിൽ ഏറ്റവും മോശം കാഴ്ചവെയ്ക്കുന്നതിനിടെയാണ് ഡൽഹി ക്യാമ്പിൽ പുതിയ സംഭവവികാസങ്ങൾ. ഭാര്യയുടെയും കാമുകിയുടെയും ചിലവുകൾ താരങ്ങൾ തന്നെ വഹിക്കണമെന്നും കുടുംബാംഗങ്ങൾ ജോയിൻ ചെയ്യുന്നത് മുൻപ് തന്നെ ഫ്രാഞ്ചൈസിയെ അറിയിച്ചിരിക്കണമെന്നും നിർദേശത്തിൽ പറയുന്നു. നിർദേശങ്ങൾ ലംഘിച്ചാൽ ഫൈൻ ഈടാക്കുകയോ ടീമിൽ നിന്നും പുറത്താക്കുകയോ ചെയ്യുമെന്നും ഡൽഹി വ്യക്തമാക്കുന്നു.