ക്രിക്കറ്റ് ആരാധകരെ ത്രില്ലടിപ്പിച്ച ഒരു പോരാട്ടമായിരുന്നു ഇന്നലെ നടന്ന മുംബൈ ഇന്ത്യന്‍സ് പഞ്ചാബ് കിംഗ്‌സ് പോരാട്ടം. മുംബൈ ഉയര്‍ത്തിയ 193 റണ്‍സ് വിജയലക്ഷ്യം പിന്തുടര്‍ന്ന പഞ്ചാബിന് മത്സരത്തിന്റെ തുടക്കത്തില്‍ തന്നെ വിക്കറ്റുകള്‍ നഷ്ടമായെങ്കിലും ശശാങ്ക് സിംഗ്, അശുതോഷ് ശര്‍മ എന്നിവര്‍ ചേര്‍ന്ന് ടീമിന് വിജയപ്രതീക്ഷ നല്‍കുകയായിരുന്നു. വന്‍ തകര്‍ച്ചയില്‍ നിന്ന ടീമിനെ കരകയറ്റുകയാണ് ശശാങ്ക് ചെയ്തതെങ്കില്‍ വിജയം മാത്രം ലക്ഷ്യമാക്കിയുള്ള പ്രകടനമായിരുന്നു അശുതോഷ് ശര്‍മയുടേത്. ജെറാള്‍ഡ് കൂറ്റ്‌സെ,ജസ്പ്രീത് ബുമ്ര എന്നിവരടങ്ങിയ ബൗളിംഗ് നിരയെ അശുതോഷ് ഒറ്റയ്ക്ക് തല്ലിചതച്ചു.
