സീസണിലെ ആദ്യ രണ്ട് മത്സരങ്ങളിലും മികച്ച ബാറ്റിങ് പുറത്തെടുക്കാൻ യുവരാജിന് സാധിച്ചതോടെ ആരാധകർ ആവേശത്തിലായി. എന്നാൽ പഞ്ചാബിനെതിരെ 18 റൺസിൽ പുറത്തായ യുവി, ചെന്നൈക്കെതിരെ നാല് റൺസിന് പുറത്തായി. പ്രകടനം മോശമായതോടെ ഈ സൂപ്പർ താരത്തിന് ടീമിനു പുറത്തേക്കുള്ള വഴിയും തെളിഞ്ഞു.
ഇഷാൻ കിഷൻ ടീമിലെത്തിയതോടെ യുവി ടീമിനു വെളിയിലായി. കഴിഞ്ഞ ദിവസം ഡൽഹിക്കെതിരെ നടന്ന മത്സരത്തിൽ അസുഖത്തെത്തുടർന്ന് ഇഷാൻ കിഷന് കളിക്കാനാകില്ലെന്ന് ഉറപ്പായപ്പോൾ യുവി ടീമിലേക്ക് തിരിച്ചുവരുമെന്ന് ആരാധകർ കരുതിയെങ്കിലും അതുണ്ടായില്ല. ആരാധകരെ ഇക്കാര്യം വളരെയധികം നിരാശപ്പെടുത്തി. ഇക്കാര്യങ്ങൾ ചൂണ്ടിക്കാട്ടി പലരും സമൂഹമാധ്യമങ്ങളിൽ പ്രതികരണവുമായി രംഗത്തെത്തി.
