ക്രൊയേഷ്യക്കെതിരായ ജയത്തോടെ മെസി സ്വന്തം പേരിലാക്കിയത് നിരവധി റെക്കോഡുകള്‍. അര്‍ജന്റീനയ്ക്കായി ലോകകപ്പില്‍ ഏറ്റവും കൂടുതല്‍ ഗോള്‍ നേടുന്ന താരമായിരിക്കുകയാണ് മെസി. 11ഗോളുകള്‍ നേടിയ ബാറ്റിസ്റ്റിയൂട്ടയുടെ റെക്കോഡാണ് മെസി മറികടന്നത്. ലോകകപ്പില്‍ ഏറ്റവുകൂടുതല്‍ മത്സരങ്ങള്‍ കളിച്ച താരമെന്ന റെക്കോഡും മെസി നേടി.
കൂടാതെ ഖത്തര്‍ ലോകകപ്പില്‍ ടോപ് ഗോള്‍ സ്‌കോററായി മാറിയിട്ടുണ്ട് താരം. 1966നു ശേഷം ഒരു ലോകകപ്പില്‍ മൂന്ന് വ്യത്യസ്ത മത്സരങ്ങളില്‍ ഗോളും അസിസ്റ്റും നേടുന്ന ആദ്യതാരമെന്ന റെക്കോഡും മെസി സ്വന്തമാക്കി. ഇത്തവണത്തെ മാന്‍ ഓഫ് ദി മാച്ചും മെസിയാണ്.