തന്റെ വീട്ടില്‍ നിന്ന് കാമുകിയുടെ വീട്ടിലെത്താന്‍ തുരങ്കം നിര്‍മിച്ച് കാമുകന്‍; കാമുകിയുടെ ഭര്‍ത്താവ് പിടികൂടിയപ്പോള്‍ തന്റെ ഭാര്യയോട് പറയരുതെന്ന് അഭ്യര്‍ത്ഥന
തന്റെ വീട്ടില്‍ നിന്ന് കാമുകിയുടെ വീട്ടിലെത്താന്‍ തുരങ്കം നിര്‍മിച്ച കാമുകന്റെ വാര്‍ത്ത സാമൂഹിക മാധ്യമങ്ങളില്‍ വൈറലാകുകയാണ്. മെക്‌സിക്കോയിലെ തിജ്വാനയിലാണ് സംഭവം. എഞ്ചിനിയറിങില്‍ വിദഗ്ധനായ ആല്‍ബെര്‍ട്ടോ എന്ന യുവാവാണ് ഇത്തരമൊരു തുരങ്കം നിര്‍മിച്ചത്. കാമുകിയുടെ ഭര്‍ത്താവ് വീട്ടില്‍ ഇല്ലാത്തപ്പോള്‍ തുരങ്കം വഴിയാണ് ഇയാള്‍ അവിടെയെത്തുന്നത്. എന്നാല്‍ സുരക്ഷാ ഉദ്യോഗസ്ഥനായ കാമുകിയുടെ ഭര്‍ത്താവ് ഇത് പിടികൂടുകയായിരുന്നു.
ഭര്‍ത്താവായ ജോര്‍ജ് നേരത്തേ വീട്ടിലെത്തുമ്പോള്‍ ആല്‍ബെര്‍ട്ടോയെ കാണുകയും സോഫയ്ക്കുപിന്നിലൊളിച്ച ഇയാള്‍ പിന്നെ അപ്രത്യക്ഷനാകുകയായിരുന്നു. ഇതേതുടര്‍ന്ന് നടത്തിയ പരിശോധനയിലാണ് സോഫയ്ക്കുപിന്നിലെ തുരങ്കം ശ്രദ്ധയില്‍ പെട്ടത്. പിടിയിലായപ്പോള്‍ ആല്‍ബര്‍ട്ടോ ഇക്കാര്യം ഉറങ്ങി കിടക്കുന്ന തന്റെ ഭാര്യയോട് പറയരുതെന്ന് ജോര്‍ജിനോട് അഭ്യര്‍ത്ഥിക്കുകയും ചെയ്തു. പക്ഷെ രഹസ്യങ്ങളെല്ലാം ലോകം മുഴുവനും അറിഞ്ഞു.