Israel- Iran Conflict: ചാവുകടലിന് മുകളിലൂടെ പറന്ന് ഇറാൻ ഡ്രോണുകൾ, പ്രതിരോധവുമായി ഇസ്രായേൽ, ബീർഷെബ ആക്രമിച്ച് ഇറാൻ
ഇറാന്‍ ആക്രമണത്തെ തുടര്‍ന്ന് പുലര്‍ച്ച 3 മണി മുതല്‍ ഇസ്രായേലില്‍ സൈറനുകള്‍ മുഴങ്ങി. അതേസമയം വടക്കന്‍ ഇറാനിലെ വ്യവസായിക മേഖലയ്ക്ക് സമീപം ഇസ്രായേല്‍ സ്‌ഫോടനം നടത്തിയതായി റിപ്പോര്‍ട്ടുണ്ട്. ആളുകളോട് പ്രദേശത്ത് നിന്ന് ഒഴിഞ്ഞുപോവാന്‍ നിര്‍ദേശം നല്‍കിയതിന് പിന്നാലെയായിരുന്നു ആക്രമണം. ഇസ്രായേല്‍ നഗരമായ ബീര്‍ഷെബ ലക്ഷ്യമാക്കി ഇറാന്‍ നടത്തിയ ആക്രമണത്തില്‍ നിരവധി കെട്ടിടങ്ങള്‍ക്കും വീടുകള്‍ക്കും വാഹനങ്ങള്‍ക്കും നാശനഷ്ടമുണ്ടായി. ഇതിനിടെ സൊറോക്കൊ ആശുപത്രി തകര്‍ത്തെന്ന ഇസ്രായേല്‍ ആരോപണം ഇറാന്‍ തള്ളി. ഇറാനെതിരെ ആക്രമണത്തില്‍ നേരിട്ട് പങ്കെടുത്തതോ ആക്രമണത്തെ പിന്തുണച്ച ഇടങ്ങളോ മാത്രമെ ഇറാന്‍ ലക്ഷ്യമിട്ടിട്ടുള്ളുവെന്ന് ഇറാന്‍ യുഎന്നിനെ അറിയിച്ചു.
