മാക്രോണും രാജിവയ്ക്കണമെന്ന് പ്രതിപക്ഷം ആവശ്യപ്പെട്ടിരുന്നു. എന്നാല്‍ പ്രസിഡന്റ് പദവിയില്‍ താന്‍ തുടരുമെന്ന് രാജ്യത്തെ അഭിസംബോധന ചെയ്യുന്നതിനിടെ മാക്രോണ്‍ പറഞ്ഞു. ' അഞ്ച് വര്‍ഷത്തേക്കുള്ള ജനാധിപത്യപരമായ വിധിയാണ് നിങ്ങള്‍ എനിക്ക് നല്‍കിയത്. ഞാന്‍ എന്റെ കാലാവധി കഴിയും വരെ പ്രസിഡന്റ് സ്ഥാനത്ത് തുടരും. ഏതാനും ദിവസങ്ങള്‍ക്കുള്ളില്‍ ഞാന്‍ പുതിയ പ്രധാനമന്ത്രിയെ നിയമിക്കും. പൊതുജന താല്‍പര്യം കണക്കിലെടുത്ത് ഒരു സര്‍ക്കാര്‍ രൂപീകരിക്കുകയാകും അദ്ദേഹത്തിന്റെ ദൗത്യം,' മാക്രോണ്‍ പറഞ്ഞു.
