ഹാർവി ചുഴലിക്കാറ്റിനെ തുടർന്നുണ്ടായ കനത്തമഴയും വെള്ളപ്പൊക്കവും ശക്തമായ തുടരുന്നതോടെ നടൻ ബാബു ആന്റണിയും കുടുംബവും ഹൂസ്റ്റണിലെ വീടുപേക്ഷിച്ച് സുഹൃത്തിന്റെ വീട്ടിലേക്കു താമസം മാറി.
ജലനിരപ്പ് ഉയര്‍ന്നതിന് പിന്നാലെ വീട്ടിൽ മലമ്പാമ്പും ചീങ്കണ്ണിയും കയറിയതോടെയാണ് ബാബു ആന്റണി താമസം മാറിയതെന്ന് അദ്ദേഹത്തിന്റെ സഹോദരൻ തമ്പി ആന്റണി വ്യക്തമാക്കി. സോഷ്യല്‍ മീഡിയയില്‍ അദ്ദേഹം ചിത്രങ്ങള്‍ പങ്കുവയ്‌ക്കുകയും ചെയ്‌തു. വെള്ളപ്പൊക്കത്തില്‍ ഒഴുകിയെത്തിയതാണ് മലമ്പാമ്പും ചീങ്കണ്ണിയും.
മഴയ്‌ക്ക് ശമനമില്ലാത്തതിനാല്‍ ബാബു ആന്റണിയും കുടുംബവും ഇന്ത്യയിലേക്ക് എത്തുമെന്നും റിപ്പോര്‍ട്ടുണ്ട്. എന്നാല്‍, ജോർജ് ബുഷ്, ഹോബി വിമാനത്താവളങ്ങൾ അടച്ചിട്ടിരിക്കുകയാണ്. വിമാനത്താവളങ്ങളിൽ 25 അടിയോളം വെള്ളമുണ്ട്. ഗതാഗതമാർഗങ്ങളെല്ലാം അടഞ്ഞതോടെ ഹൂസ്റ്റൺ ഒറ്റപ്പെട്ട നിലയിലാണ്. വൈദ്യുതിയും വാർത്താവിനിമയ സംവിധാനങ്ങളും തകരാറിലാണ്.