പാ‍കിസ്ഥാനില്‍ പള്ളിക്ക് പുറത്ത് സ്ഫോടനം: 34 മരണം

വടക്കുപടിഞ്ഞാറന്‍ പാകിസ്ഥാനിലുണ്ടായ ചാവേര്‍ സ്ഫോടനത്തില്‍ 34 പേര്‍ കൊല്ലപ്പെട്ടു. 40 പേര്‍ക്കു പരുക്കേറ്റു.

ഖുറം മേഖലയില്‍ പള്ളിക്ക് പുറത്താണ് സ്ഫോടനമുണ്ടായത്. കുര്‍മി ബസാറിലെ പള്ളിക്കു സമീപം പ്രാര്‍ഥന ആരംഭിക്കുന്നതു മുമ്പ്, മോട്ടോര്‍സൈക്കിളിലെത്തിയ ചാവേര്‍ പൊട്ടിത്തെറിക്കുകയായിരുന്നു. മേഖലയില്‍ കര്‍ഫ്യൂ പ്രഖ്യാപിച്ചിട്ടുണ്ട്.

സ്ഫോടനത്തില്‍ നിരവധി വാഹനങ്ങളും കെട്ടിടങ്ങളും തകര്‍ന്നു. പരുക്കേറ്റവരില്‍ പലരുടെയും നില ഗുരുതരമായതിനാല്‍ മരണസംഖ്യ ഉയര്‍ന്നേക്കുമെന്നാണ് റിപ്പോര്‍ട്ട്. സുന്നി വിഭാഗങ്ങള്‍ തമ്മില്‍ സംഘര്‍ഷം നിലനില്‍ക്കുന്ന മേഖലയാണ് സ്ഫോടനമുണ്ടായ ഖുറം.