അഫ്ഗാനിസ്ഥാനിലെ കാബൂളില്‍ താലിബാന്‍ നടത്തിയ ആക്രമണത്തില്‍ എട്ടുപേര്‍ കൊല്ലപ്പെട്ടു. മൂന്ന്‌ സ്‌ത്രീകളും മൂന്ന്‌ പുരുഷന്‍മാരും രണ്ട് കുട്ടികളുമാണ്‌ കൊല്ലപ്പെട്ടത്‌.
വിദേശികളടക്കം താമസിച്ചിരുന്ന അതീവസുരക്ഷയുളള ഹോട്ടിലാലാണ്‌ ഇന്നലെ വൈകിട്ട്‌ ആക്രമണമുണ്ടായത്‌. ആയുധധാരികളായ നാലുപേര്‍ ഹോട്ടലില്‍ കടന്ന്‌ വെടിയുതിര്‍ക്കുയായിരുന്നുവെന്നാണ്‌ അറിയാന്‍ കഴിയുന്ന വിവരം. തുടര്‍ന്ന് ഹോട്ടലിലുണ്ടായിരുന്നവരെ സുരക്ഷാസേന സുരക്ഷിതമായ സ്ഥലത്തേക്ക് മാറ്റുകയായിരുന്നു.
മൂന്ന്‌ മണിക്കൂറോളം നീണ്ട ഏറ്റുമുട്ടലിനൊടുവില്‍ തീവ്രവാദികളെ എല്ലാ വധിച്ചതായി അഫ്ഗാന്‍ സേന അറിയിച്ചു