ജീവകങ്ങളായ, സി, ഇ, ബി6, എന്നിവ മധുരക്കിഴങ്ങില്‍ ധാരാളം അടങ്ങിയിട്ടുണ്ട്. സാധാരണ കിഴങ്ങുകളില്‍ ഉള്ളതിനേക്കാള്‍ രണ്ടിരിട്ടി ഫൈബറുകളാണ് മധുരക്കിഴങ്ങില്‍ അടങ്ങിയിരിക്കുന്നത്. ഇത് ദഹന സംബന്ധമായ പ്രശ്‌നങ്ങളെ ചെറുക്കുകയും ശരീരത്തിലെ മെറ്റബോളിസം കര്‍ധിപ്പിക്കുകയും ചെയ്യും.
മധുരക്കിഴങ്ങില്‍ ധാരാളമായി അടങ്ങിയിരിക്കുന്ന ബീറ്റ കരോട്ടിന്‍ കണ്ണുകളുടെ ആരോഗ്യത്തിന് ഏറെ ഗുണകരമാണ്. കാഴ്ചശക്തി വര്‍ധിപ്പിക്കുന്നതിന് ഇത് സഹായിക്കും. ആന്റി ഓക്‌സിഡന്റുകളുടെ വലിയ ഒരു കലവറ തന്നെയാണ് മധുരക്കിഴങ്ങ്. ശരീരത്തിലെ യൌവ്വനം നിലനിര്‍ത്താനും ചര്‍മ്മ സംരക്ഷണത്തിനുമെല്ലാം മധുരക്കിഴങ്ങ് ഉത്തമം തന്നെ.
