ഫിറ്റ്നസിന്‍റെ കാര്യത്തില്‍ ഇന്ത്യന്‍ ടീമില്‍ ഏറ്റവും കൂടുതല്‍ ശ്രദ്ധ നല്‍കുന്നയാള്‍ നായകന്‍ വിരാട് കോഹ്‌ലി തന്നെയാണ്. ക്രിക്കറ്റ് കരിയര്‍ തുടങ്ങി ഒരു ദശകം പിന്നിട്ടിട്ടും ഇപ്പോഴും സിക്സ് പാക് കാത്തുസൂക്ഷിക്കുന്ന കോഹ്‌ലി ടീമിലെ ഏറ്റവും കരുത്തുറ്റ ശരീരത്തിനുടമയാണ്.
വിരാട് കോഹ്‌ലിയുടെ ഭക്ഷണശീലം തന്നെയാണ് അദ്ദേഹത്തിന്‍റെ ശരീരസൌന്ദര്യത്തിന്‍റെയും ആരോഗ്യത്തിന്‍റെയും രഹസ്യം. മാത്രമല്ല, യാതൊരു വിട്ടുവീഴ്ചയുമില്ലാത്ത വ്യായാമവും.