സൂപ്പര്‍ കപ്പില്‍ നിലവിലെ ചാമ്പ്യന്മാരായ ഈസ്റ്റ് ബംഗാളിനെ കീഴടക്കി കേരള ബ്ലാസ്റ്റേഴ്സ് ക്വാര്‍ട്ടറില്‍. മത്സരത്തില്‍ ഏകപക്ഷീയമായ 2 ഗോളുകള്‍ക്കാണ് കൊമ്പന്മാരുടെ വിജയം. മത്സരത്തിലുടനീളം മികച്ച മുന്നേറ്റങ്ങള്‍ നടത്താന്‍ ബ്ലാസ്റ്റേഴ്സിന് സാധിച്ചിരുന്നു. ആദ്യപകുതിയില്‍ നിരവധി ആക്രമങ്ങള്‍ നടത്താന്‍ ബ്ലാസ്റ്റേഴ്സിന് സാധിച്ചെങ്കിലും ഈ അവസരങ്ങളൊന്നും മുതലെടുക്കാനായില്ല. ആദ്യപകുതി അവസാനിക്കാന്‍ മിനിറ്റുകള്‍ ബാക്കിനില്‍ക്കെയാണ് ബ്ലാസ്റ്റേഴ്സ് ആദ്യ ഗോള്‍ നേടിയത്.
