FIFA World Cup 2022: ഖത്തര്‍ ലോകകപ്പ് ആരാധകരില്‍ ആവേശം നിറച്ച് പുരോഗമിക്കുകയാണ്. പല ടീമുകളുടെയും രണ്ട് മത്സരങ്ങള്‍ ഇതിനോടകം പൂര്‍ത്തിയായി. ഇതുവരെയുള്ള കളികളുടെ കണക്കുകള്‍ പരിശോധിച്ചാല്‍ പ്ലേ ഓഫ് ഉറപ്പിച്ച ടീമുകള്‍ ഏതൊക്കെയാണെന്ന് അറിയുമോ? ഗ്രൂപ്പ് ഡിയില്‍ നിന്നുള്ള ഫ്രാന്‍സ് മാത്രമാണ് ഇതുവരെ പ്ലേ ഓഫ് കയറിയിട്ടുള്ളത്. ബാക്കി ടീമുകളുടെ കാര്യം പറയാറായിട്ടില്ല. രണ്ട് കളികള്‍ പൂര്‍ത്തിയായപ്പോള്‍ രണ്ടിലും ജയിച്ച് ആറ് പോയിന്റുമായി ഗ്രൂപ്പ് ഡിയില്‍ ഒന്നാം സ്ഥാനത്താണ് ഫ്രാന്‍സ്. അടുത്ത കളിയില്‍ തോറ്റാലും ഫ്രാന്‍സ് പ്ലേ ഓഫില്‍ കയറും.
