എതിരാളികൾ ശക്തരായ സ്പെയിൻ, ഖത്തർ ലോകകപ്പിൽ ജർമനിയ്ക്ക് ഇന്ന് ജീവൻമരണപ്പോരാട്ടം

ഖത്തർ ലോകകപ്പിൽ ഇന്ന് ജർമനി സ്പെയിനിനെ നേരിടാനിറങ്ങുന്നു. ആദ്യ മത്സരത്തിൽ പരാജയപ്പെട്ട ജർമനി ഇന്ന് വിജയിച്ചില്ലെങ്കിൽ തുടർച്ചയായ രണ്ടാം ലോകകപ്പിലും ഗ്രൂപ്പ് ഘട്ടത്തിൽ പുറത്താകുന്ന ടീമെന്ന നാണക്കേട് നേരിടും. ഇന്ന് രാത്രി 12:30നാണ് ജർമനി-സ്പെയിൻ പോരാട്ടം.

ജപ്പാനെതിരായ ആദ്യ മത്സരത്തിലേറ്റ തോൽവിയാണ് ജർമനിക്ക് തിരിച്ചടിയായത്. അതേസമയം ടൂർണമെൻ്റിലെ ആദ്യ മത്സരത്തിൽ കോസ്റ്റാറിക്കയ്ക്കെതിരെ 7 ഗോളുകളാണ് സ്പെയിൻ അടിച്ചുകൂട്ടിയത്. യുവനിരയുടെ കരുത്തിൽ പരിശീലകൻ ലൂയി എൻട്രിക്കിൻ്റെ തന്ത്രങ്ങളുമാണ് സ്പെയിനിനെ അപകടകാരികളാക്കുന്നത്.