മോഹൻലാലിന്റെ 'പുലിമുരുകൻ', മമ്മൂട്ടിയുടെ 'മധുരരാജ' എന്നീ ബ്ലോക്ക്ബസ്റ്ററുകൾ മലയാളികൾക്ക് സമ്മാനിച്ച സംവിധായകൻ വൈശാഖ് പുതിയ ചിത്രം പ്രഖ്യാപിച്ചു. 'ബ്രൂസ് ലീ' എന്നു പേരു നൽകിയിട്ടുള്ള ചിത്രത്തിൽ ഉണ്ണി മുകുന്ദനാണ് നായകനായി എത്തുന്നത്. 25 കോടി രൂപ ബഡ്ജറ്റിലാണ് ചിത്രം നിർമ്മിക്കുന്നത്. 2021-ൽ ഷൂട്ടിംഗ് ആരംഭിക്കാൻ പദ്ധതിയിടുന്ന ചിത്രം മലയാളത്തിനു പുറമേ മറ്റു ഭാഷകളിലും റിലീസ് ചെയ്യും.
ഉണ്ണി മുകുന്ദന്റെ ജന്മദിനത്തോട് അനുബന്ധിച്ചാണ് ഈ വലിയ പ്രഖ്യാപനം. മോഹൻലാൽ, മമ്മൂട്ടി, പൃഥ്വിരാജ് എന്നിവരുൾപ്പെടെ എല്ലാ പ്രമുഖ താരങ്ങളും ചിത്രത്തിന് ആശംസകൾ അറിയിച്ചിട്ടുണ്ട്.
