കൊറോണക്കാലത്ത് ജോലിക്കാർക്കൊപ്പം മണ്ണിലിറങ്ങി കൃഷി ചെയ്യുന്ന നടൻ കൃഷ്ണ പ്രസാദിന്റെ ചിത്രം പങ്കുവെച്ച് അദ്ദേഹത്തെ പുകഴ്ത്തി നടൻ ഉണ്ണി മുകുന്ദൻ ഫേസ്ബുക്കിൽ ഒരു കുറിപ്പ് പങ്കുവെച്ചിരുന്നു. ഇപ്പോഴിതാ, ഇതിനു മറുപടിയുമായി രംഗത്തെത്തിയിരിക്കുകയാണ് കൃഷ്ണ പ്രസാദ്.
ഫേസ്ബുക്കിൽ ഒരു കാർഡ് പങ്കുവെച്ചുകൊണ്ടാണ് കൃഷ്ണപ്രസാദിന്റെ മറുപടി. 'പ്രിയ ഉണ്ണി മുകുന്ദന്, എന്റെ കാർഷിക വൃത്തിയെ പ്രോത്സാഹിപ്പിച്ചതിന് ഒരായിരം നന്ദി. കൃഷിയോടുള്ള ഉണ്ണിയുടെ കരുതലിന് സ്നേഹത്തോടെ അഭിനന്ദനങ്ങൾ നേരുന്നു എന്നും സ്നേഹത്തോടെ കൃഷ്ണപ്രസാദ്' - എന്നാണ് കൃഷ്ണ പ്രസാദ് കുറിച്ചത്.
