മലയാളത്തിന്റെ ഏറെ പ്രിയപ്പെട്ട നടനാണ് മോഹന്‍ലാല്‍. ഈയിടെ മോഹന്‍ലാലിന്റെ അഭിനയ ജീവിതവുമായി ബന്ധപ്പെട്ട് അമൃത ടിവ സംപ്രേക്ഷണം ചെയ്ത ലാല്‍സലാം എന്ന പരിപാടി ഏറെ ശ്രദ്ധനേടിയിരിക്കുകയാണ്. അഭിമുഖത്തില്‍ എല്ലാ ചോദ്യങ്ങള്‍ക്കും ലാലേട്ടന്‍ രസകരമായ മറുപടിയാണ് നല്‍കിയത്.
പ്രേക്ഷകര്‍ മോഹന്‍ലാലില്‍ നിന്നും അറിയാന്‍ ആഗ്രഹിക്കുന്ന നിരവധി ചോദ്യങ്ങള്‍ക്ക് അദ്ദേഹം ഈ പരിപാടിയിലൂടെ ഉത്തരം നല്‍കിയതാണ് പരിപാടി ഇത്രയും ശ്രദ്ധനേടിയത്. മോഹന്‍ലാലിന്റെ സിനിമ ജീവിതവുമായി ബന്ധപ്പെട്ട് നില്‍ക്കുന്ന ഈ പ്രോഗ്രാം എപ്പിസോഡുകള്‍ സോഷ്യല്‍ മീഡിയ ഏറെ ചര്‍ച്ച ചെയ്തിട്ടുണ്ട്. മോഹന്‍ലാലിന് ഇഷ്ടപ്പെട്ട നടന്‍ ആരാണെന്ന ചോദ്യത്തിന് അദ്ദേഹം നല്‍കിയ ഉത്തരം വളരെ രസകരമായിരുന്നു.
‘പ്രേം നസീര്‍, പിന്നെ പ്രേക്ഷകര്‍ക്ക് അധികം അറിയാത്ത തമിഴ് നടന്‍ എം ആര്‍ രാജ. പിന്നെ, നന്നായി അഭിനയിക്കുന്ന എല്ലാവരേയും ഇഷ്ടമാണെന്നും’ മോഹന്‍ലാല്‍ വ്യക്തമാക്കി. മമ്മൂട്ടിയുടേയും മോഹന്‍ലാലിന്റേയും പേരില്‍ ഫാന്‍ ഫൈറ്റ് ശക്തമാണെങ്കിലും ഇരുവരും തമ്മില്‍ ദൃഢമായൊരു സൗഹൃദം നിലനില്‍ക്കുന്നുണ്ടെന്നതാണ് യാഥാര്‍ത്ഥ്യം.