നടി അമ്പിളി ദേവിയുടെയും ആദിത്യന്റെയും രണ്ടാം വിവാഹം അടുത്തിടെയാണ് കഴിഞ്ഞത്. ഇതേതുടർന്ന് വൻ വിവാദമായിരുന്നു ഉണ്ടായത്. അമ്പിളിദേവി ചതിച്ചുവെന്ന രീതിയിൽ മുൻ‌ഭർത്താവ് കേക്ക് മുറിച്ച് ആഘോഷിച്ചത് സോഷ്യൽ മീഡിയകളിൽ ഏറെ ചർച്ചയായിരുന്നു. എന്നാൽ, ഇപ്പോഴിതാ, പുതിയ വിവാദങ്ങൾക്ക് തിരി തെളിഞ്ഞിരിക്കുകയാണ്.
അമ്പിളിദേവിയുടെ മുന്‍ഭര്‍ത്താവ് ലോവലിന്റെ കാമുകിക്കെതിരെ മോഷണക്കേസ്. സീരിയല്‍ മേഖലയിലെ തന്നെ ജോലി ചെയ്യുന്ന യുവതിയാണ് പരാതിയുമായി രംഗത്തെത്തിയിരിക്കുന്നത്. കരുനാഗപള്ളി സ്വദേശിയായിരുന്ന ഒരു യുവതിയുമായി ലോവല്‍ ലിവിങ് ടുഗെദറില്‍ ആണെന്ന് വാര്‍ത്തകള്‍ വന്നു.
ലോവലിന്റെ വീട്ടുകാരുടെ ക്രൂരമര്‍ദ്ദനത്തിന് ഇരയായ ശേഷം ഇവര്‍ ആത്മഹത്യക്ക് ശ്രമിച്ചുവെന്നും റിപ്പോർട്ടുകൾ ഉണ്ടായിരുന്നു. ആത്മഹത്യാശ്രമത്തിന് പിന്നാലെ പുതിയ കേസും ഈ യുവതിക്കെതിരെ വന്നിരിക്കുകയാണ്. പൂജപ്പുര പൊലീസ് സ്റ്റേഷനില്‍ സിരീയല്‍ മേഖലയില്‍ തന്നെയുള്ള സിന്ത എന്ന യുവതിയാണ് പരാതി നല്കിയിരിക്കുന്നത്.
യൂണിവേഴ്സിറ്റിയില്‍ നിന്നും സര്‍ട്ടിഫിക്കറ്റ് വാങ്ങാനാണെന്നും രണ്ടു ദിവസം തന്റെ ബന്ധുവിനെ താമസിപ്പിക്കാമോ എന്നും സീരിയലിലെ മഹേഷ് എന്ന സംവിധായകൻ ബന്ധപ്പെട്ടതിനെ തുടർന്ന് യുവതിയെ തന്റെ വീട്ടിൽ താമസിക്കാൻ അനുവദിക്കുകയായിരുന്നുവെന്ന് സിന്ത നൽകിയ പരാതിയിൽ പറയുന്നു.
താന്‍ ലോവലിനെ വിവാഹം കഴിക്കാന്‍ പോകുകയാണെന്നും മോതിരം മാറിയെന്നും യുവതി സിന്തയോട് പറഞ്ഞിരുന്നു. എന്നാല്‍ ഇവിടെ താമസിച്ച യുവതി പണവും തന്റെ ഡയമണ്ട് മോതിരവും അപഹരിച്ച ശേഷം മുങ്ങുകയുമായിരുന്നു എന്നാണ് സിന്ത പൊലീസില്‍ പരാതി നല്‍കിയത്.
അതേസമയം പൊലീസ് മഹേഷിനെയും ലോവലിനെയും ആരോപണവിധേയയായ യുവതിയെയും ബന്ധപ്പെട്ട് ഉടന്‍ ഹാജരാകണമെന്ന് നിര്‍ദ്ദേശിച്ചെങ്കിലും ലോവലും യുവതിയും ഇതുവരെയും സ്റ്റേഷനില്‍ എത്തിയിട്ടില്ല.