നടനും ജീവകാരുണ്യ പ്രവര്‍ത്തകനുമായ സോനു സൂദിന്റെ സൂപ്പര്‍മാര്‍ക്കറ്റാണ് സോഷ്യല്‍ മീഡിയയില്‍ ചര്‍ച്ചയാകുന്നത്.ചെറുകിട ബിസിനസ്സുകളെ പ്രോത്സാഹിപ്പിക്കുന്നതിനു വേണ്ടിയാണ് താരം രംഗത്തെത്തിയത്. പ്രാദേശിക കച്ചവടക്കാരില്‍ നിന്ന് സാധനങ്ങള്‍ വാങ്ങേണ്ടതിന്റെ പ്രാധാന്യം ഓര്‍മിപ്പിക്കാന്‍ വേണ്ടിയാണ് അദ്ദേഹത്തിന്റെ വീഡിയോ.'സോനു സൂദ് കി സൂപ്പര്‍ മാര്‍ക്കറ്റ്' എന്ന് പറഞ്ഞുകൊണ്ട് മുട്ട, റൊട്ടി, ചിപ്‌സ് തുടങ്ങിയ സാധനങ്ങളുമായി വില്‍ക്കാനായി ഒരു സൈക്കിളില്‍ നില്‍ക്കുന്ന താരത്തെയാണ് വീഡിയോയില്‍ കാണാനാകുന്നത്.
