മോഹന്‍ലാലിന്റെ മലൈക്കോട്ടൈ വാലിബന് ഇപ്പോഴും ചര്‍ച്ചയാക്കുകയാണ്.ഒ.ടി.ടി റിലീസിന് പിന്നാലെ കൂടുതല്‍ പ്രേക്ഷകര്‍ കാണുകയും നല്ല അഭിപ്രായം പങ്കുവയ്ക്കുകയും ചെയ്തിരിക്കുന്ന സമയമാണ് ഇപ്പോള്‍.കേരള ബോക്‌സ് ഓഫീസില്‍ 5.85 കോടി നേടി 2024 ലെ ഓപ്പണിംഗില്‍ ഒന്നാം സ്ഥാനം സ്വന്തമാക്കിയിരുന്നു മോഹന്‍ലാല്‍ ചിത്രം. ഇപ്പോഴിതാ മലൈക്കോട്ടൈ വാലിബന് എന്ന സിനിമയിലേക്ക് എങ്ങനെയാണ് എത്തിയത് എന്നതിനെക്കുറിച്ച് നിര്‍മ്മാതാവ് ഷിബു ബേബി ജോണ്‍ പറയുന്നു.
'ഞങ്ങള്‍ ആദ്യം വേറൊരു പ്രോജക്ട് ആയിരുന്നു അനൗണ്‍സ് ചെയ്തിരുന്നത്. പക്ഷേ അതിന്റെ ഫൈനല്‍ സ്‌ക്രിപ്റ്റില്‍ ചില സംശയങ്ങള്‍ വന്നു. ടെക്‌നിക്കല്‍ ആസപെക്റ്റിലായിരുന്നു ഈ സംശയം വന്നത് .അതിന്റെ സ്‌ക്രിപ്റ്റ് ഒന്നുകൂടെ കറക്റ്റ് ചെയ്യണമെന്ന് നിലയിലേക്ക് എത്തി. ആ സമയത്ത് എന്റെ അടുത്ത് ഒരു സുഹൃത്ത് വഴി ലിജോയോട് എന്തെങ്കിലും കഥയുണ്ടോ എന്ന് അന്വേഷിക്കുന്നത്. നമുക്ക് ആലോചിക്കാം എന്നായിരുന്നു ലിജോയുടെ മറുപടി. അതിനുശേഷം ലിജോ വന്ന് ഒരു കഥ പറഞ്ഞു. അത് ഞങ്ങള്‍ക്ക് ഇഷ്ടപ്പെടുകയും അംഗീകരിക്കുകയും ചെയ്തു.
അന്ന് ഞങ്ങള്‍ക്ക് ആകെ ഷോക്കായി. ലാലിനെ ആ കഥ ഇഷ്ടപ്പെട്ടിരുന്നു. ആള്‍ കഥ കേട്ട ശേഷം ഷൂട്ടിങ്ങിന് വേണ്ടി മൊറോക്കോയിലേക്ക് പോയിരുന്നു. അതിനുശേഷമാണ് ലിജോ വര്‍ഷങ്ങളായി മനസ്സിലുള്ള മറ്റൊരു കഥ പറയുന്നത്.',-ഷിബു ബേബി ജോണ്‍ പറഞ്ഞു.
