കെജിഎഫ് സംവിധായകന്‍ പ്രശാന്ത് നീല്‍ തെലുങ്ക് താരം ജൂനിയര്‍ എന്‍ടിആറുമായി ഒന്നിക്കുന്ന ചിത്രത്തിന് എന്‍.ടി.ആര്‍ 31 എന്നാണ് പേരിട്ടിരിക്കുന്നത്.ജൂനിയര്‍ എന്‍ടിആറിന്റെ മുപ്പത്തിയെട്ടാം ജന്മദിനത്തോടനുബന്ധിച്ച് സിനിമ പ്രഖ്യാപിച്ചത്. ഇപ്പോഴിതാ ചിത്രത്തെ കുറിച്ചുള്ള പുതിയ വിവരങ്ങള്‍ കൈമാറിയിരിക്കുകയാണ് പ്രശാന്ത് നീല്‍.
സലാറിന് ശേഷം എന്‍.ടി.ആര്‍ 31 ജോലികളില്‍ പൂര്‍ണ്ണമായും ശ്രദ്ധ കേന്ദ്രീകരിക്കാനാണ് പ്രശാന്ത് നീല്‍ ശ്രമിക്കുക.'എന്‍.ടി.ആര്‍ 31' 2024 ന്റെ പകുതിയോടെ ചിത്രീകരണം ആരംഭിക്കുമെന്നും സംവിധായകന്‍ പറഞ്ഞു.
'സലാറിന് ശേഷം ഞാന്‍ ചെയ്യുന്ന ചിത്രമായിരിക്കും എന്‍.ടി.ആര്‍ 31. 2024 പകുതിയോടെയാവും ചിത്രീകരണം ആരംഭിക്കുക. അമിതാഭ് ബച്ചന്‍ ചിത്രങ്ങള്‍ കണ്ടാണ് വളര്‍ന്നത്. എന്നെങ്കിലുമൊരിക്കല്‍ അദ്ദേഹത്തിന് ആക്ഷനും കട്ടും പറയണം. എന്റെ ചിത്രത്തില്‍ അഭിനയിക്കാന്‍ അദ്ദേഹം സമ്മതംമൂളുമെന്നാണ് കരുതുന്നത്',- പ്രശാന്ത് നീല്‍ പറഞ്ഞു.
പ്രശാന്ത് നീല്‍ സംവിധാനം ചെയ്ത 'സലാര്‍' ഡിസംബര് 22ന് തിയറ്ററുകളില്‍ എത്തും.