സുരേഷ് ഗോപിയുടെ പുതിയ ചിത്രം 'മേ ഹൂം മൂസ' ഒരുങ്ങുകയാണ്. ഈയടുത്താണ് ചിത്രീകരണം ആരംഭിച്ചത്.പൂനം ബജ്‌വയും ശ്രദ്ധേയമായ വേഷത്തില്‍ എത്തുന്നുണ്ട്. രണ്ടു ദിവസങ്ങള്‍ക്കു മുമ്പാണ് നടി ചിത്രീകരണ സംഘത്തിനൊപ്പം ചേര്‍ന്നത്. ലൊക്കേഷനില്‍ നിന്നുള്ള ചിത്രങ്ങള്‍ താരം പങ്കുവയ്ക്കാറുണ്ട്.നിലവില്‍ കൊടുങ്ങല്ലൂരിലാണ് ഷൂട്ടിങ് സംഘം ഉള്ളതെന്ന് നടി പങ്കുവെച്ച ചിത്രത്തില്‍ നിന്ന് മനസ്സിലാക്കാനാകുന്നു.
ജിബു ജേക്കബ് സംവിധാനം ചെയ്യുന്ന 'മേ ഹൂം മൂസ'ല്‍ മലപ്പുറത്തുകാരനായ മൂസ എന്ന കഥാപാത്രത്തെയാണ് നടന്‍ അവതരിപ്പിക്കുന്നത്.
1998 ല്‍ തുടങ്ങി 2019 ല്‍ അവസാനിക്കുന്ന തരത്തിലാണ് സിനിമയുടെ കഥ ഒരുക്കിയിരിക്കുന്നത്. വളരെ ഗൗരവമായ ഒരു പ്രമേയം തികഞ്ഞ ലാളിത്യത്തോടെ ചിത്രത്തില്‍ അവതരിപ്പിക്കാനാണ് ശ്രമിക്കുന്നതെന്ന് സംവിധായകന്‍ പറഞ്ഞു.