ആരാധകരുടെ കാത്തിരിപ്പിന് വിരമമിട്ട് ദുല്‍ഖര്‍ സല്‍മാന്‍ നായകനാകുന്ന ‘ഒരു യമണ്ടന്‍ പ്രേമകഥ’ ഈ മാസം 25ന് തിയേറ്ററുകളിലെത്തും. ചിത്രത്തിന് ‘ക്ലീന്‍ യു’ സര്‍ട്ടിഫിക്കറ്റ് ലഭ്യമായതോടെ റിലീസിനായി കാത്തിരിക്കുകയാണ് സിനിമാ പ്രേമികള്‍.
റൊമാന്റിക് - കോമഡി ചിത്രമാണ് ‘ഒരു യമണ്ടന്‍ പ്രേമകഥ’. ബിബിന്‍ ജോര്‍ജ്ജ്, വിഷ്ണു ഉണ്ണികൃഷ്ണന്‍ എന്നിവര്‍ ചേര്‍ന്ന് തിരക്കഥയൊരുക്കുന്ന ചിത്രം സംവിധാനം ചെയ്യുന്നത് നവാഗതനായ ബി സി നൗഫല്‍ ആണ്.
ആന്റോ ജോസഫും സി ആര്‍ സലിമും ചേര്‍ന്ന് നിര്‍മ്മിക്കുന്ന ചിത്രത്തിന് സംഗീതം പകരുന്നത് നാദിര്‍ഷയാണ് എന്നതാണ് മറ്റൊരു പ്രത്യേകത.
ഒന്നര വര്‍ഷത്തെ ഇടവേളയ്‌ക്ക് ശേഷം ‘ഒരു യമണ്ടന്‍ പ്രേമകഥ’യുമായി ദുഖര്‍ തിയേറ്ററുകളില്‍ എത്തുന്നു എന്നതാണ് ശ്രദ്ധേയം. 2017ല്‍ റിലീസ് ചെയ്‌ത സോളോ ആണ് ദുല്‍ഖര്‍ അവസാനമായി അഭിനയിച്ച മലയാള സിനിമ.