ബോളിവുഡില്‍ ഏറെ ആരാധകരുള്ള താരമാണ് കജോള്‍. സോഷ്യല്‍ മീഡിയയില്‍ സജീവ സാന്നിധ്യമായ കജോള്‍ തന്റെ ഗ്ലാമറസ് ചിത്രങ്ങള്‍ അടക്കം ആരാധകര്‍ക്കായി പങ്കുവെയ്ക്കാറുണ്ട്. കജോളിന്റെ പുതിയ ചിത്രങ്ങളാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്. പുതിയ ചിത്രങ്ങളില്‍ കാണാന്‍ അതീവ സുന്ദരിയാണെങ്കിലും താരത്തിന്റെ വസ്ത്രധാരണത്തിനെതിരെ നിരവധി പേര്‍ രംഗത്തെത്തിയിട്ടുണ്ട്.
' ഈ ഡ്രസ് ഇട്ട ശേഷം കണ്ണാടിയില്‍ നോക്കിയില്ലേ?' 'എങ്ങനെയാണ് ഇതൊക്കെ ധരിക്കുന്നത്, ഇപ്പോള്‍ കീറുമല്ലോ' തുടങ്ങി നിരവധി മോശം കമന്റുകള്‍ ചിത്രങ്ങള്‍ക്ക് താഴെയുണ്ട്. അതേസമയം നിരവധി പേര്‍ താരത്തെ പിന്തുണച്ചും രംഗത്തെത്തി. എന്ത് വസ്ത്രം ധരിക്കണമെന്നത് ഓരോരുത്തരുടെയും ഇഷ്ടമാണെന്നും കജോള്‍ ഈ ഔട്ട്ഫിറ്റില്‍ അതീവ സുന്ദരിയാണെന്നും മറ്റ് ചിലര്‍ അഭിപ്രായപ്പെട്ടു.
