മഹേഷ് നാരായണന്‍ സംവിധാനം ചെയ്യുന്ന പുതിയ ചിത്രത്തില്‍ മമ്മൂട്ടി നായകനാകുമെന്ന് റിപ്പോര്‍ട്ട്. കമല്‍ഹാസനെ നായകനാക്കി ചെയ്യാന്‍ ഉദ്ദേശിച്ച ചിത്രത്തിലേക്കാണ് മമ്മൂട്ടിയുടെ വരവ്. മറ്റ് സിനിമകളുടെ തിരക്ക് കാരണമാണ് കമല്‍ ഈ ചിത്രത്തില്‍ നിന്നു ഒഴിഞ്ഞതെന്നാണ് റിപ്പോര്‍ട്ടുകള്‍. അതേസമയം മഹേഷ് നാരായണന്‍ ചിത്രത്തില്‍ കമല്ഹാസന് അതിഥി വേഷത്തിലെത്താനും സാധ്യതകളുണ്ട്.
ടേക്ക് ഓഫ്, മാലിക്ക്, സി യു സൂണ്‍, അറിയിപ്പ്, മലയന്‍കുഞ്ഞ് എന്നിവയാണ് മഹേഷ് നാരായണന്റെ ചിത്രങ്ങള്‍. മമ്മൂട്ടിയും മഹേഷ് നാരായണനും ആദ്യമായാണ് ഒന്നിക്കുന്നത്. അബ്രഹാമിന്റെ സന്തതികള്‍ എന്ന മമ്മൂട്ടി ചിത്രത്തിന്റെ എഡിറ്റര്‍ ആണ് മഹേഷ് നാരായണന്‍.
