ലിജോ ജോസ് പെല്ലിശ്ശേരിയുടെ സംവിധാനത്തില്‍ റിലീസിന് ഒരുങ്ങുന്ന മോഹന്‍ലാല്‍ ചിത്രമാണ് മലൈക്കോട്ടൈ വാലിബനില്‍. ഈ സിനിമയില്‍ പാട്ടുകള്‍ ഉണ്ടാകുമോ എന്ന ചോദ്യം ആരാധകരുടെ ഭാഗത്തുനിന്ന് നേരത്തെ വന്നതാണ്. എന്നാല്‍ അതിനൊരു ഉത്തരം നല്‍കിയിരിക്കുകയാണ് സംവിധായകന്‍.
ഡിസംബര് 15 ന് വാലിബനിലെ ആദ്യ സിംഗിള്‍ റിലീസ് ആകുമെന്നാണ് സാമൂഹ്യ മാധ്യമങ്ങളിലൂടെ പെല്ലിശ്ശേരി അറിയിച്ചിരിക്കുന്നത്. വലിയ പ്രതീക്ഷയോടെയാണ് മലയാള സിനിമാലോകം ഈ മോഹന്‍ലാല്‍ ചിത്രത്തിനായി കാത്തിരിക്കുന്നത്. നേര് സിനിമയുടെ പ്രമോഷന്റെ സമയത്ത് പോലും മലൈക്കോട്ടൈ വാലിബനെ കുറിച്ചാണ് എല്ലാവര്‍ക്കും അറിയേണ്ടത്.
ചിത്രത്തില്‍ മോഹന്‍ലാല്‍ വീണ്ടും ഒടിയന്‍ ലുക്കില്‍ പ്രത്യക്ഷപ്പെടുന്നു എന്ന വാര്‍ത്തകളും നേരത്തെ പുറത്തുവന്നതാണ്.ക്ളീന്‍ഷേവില്‍ നടന്‍ എത്തിയത് എല്ലാവരെയും അത്ഭുതപ്പെടുത്തിയതാണ്. എന്നാല്‍ സിനിമയുടെ പോരായ്മകള്‍ കാരണം ലാലിന്റെ മേക്കോവര്‍ ട്രോള്‍ പേജുകളില്‍ നിറഞ്ഞു.വാലിബനില്‍ നടന്‍ ഈ ലുക്കില്‍ എത്തുമോ എന്നതിനെക്കുറിച്ച് അണിയക്കാരും ഒന്നും പ്രതികരിച്ചിട്ടില്ല.
ചിത്രം ജനുവരി 25ന് തിയറ്ററിലെത്തും. സോണാലി കുല്‍ക്കര്‍ണി, ഹരീഷ് പേരടി, കഥ നന്ദി, ഡാനിഷ് സെയ്ത്, മണികണ്ഠന്‍ ആര്‍ ആചാരി, ഹരിപ്രശാന്ത് വര്‍മ, രാജീവ് പിള്ള, സുചിത്ര നായര്‍ തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.