നായകനായും വില്ലനായും അഭിനയത്തിൽ മികവ് പുലർത്തി മലയാള സിനിമയിൽ തന്റേതായ ഇടം നേടിയ താരമാണ് ഫഹദ് ഫാസിൽ. കഴിഞ്ഞ കുറച്ച് ദിവസങ്ങളായി ഫഹദ് ഫാസിലെക്കുറിച്ചുള്ള ചർച്ചയിലാണ് സിനിമാ മേഖല. താരജാഡയാണെന്നും ഡേറ്റ് നൽകില്ലെന്നും ചിലയാളുകളുടെ സിനിമയിൽ മാത്രം അഭിനയിക്കുന്നയാളെന്നും സീനിയര്‍ സംവിധായകര്‍ പോലും വിളിച്ചാല്‍ ഫോണെടുക്കാന്‍ മടിക്കുന്ന വ്യക്തിയെന്നുമൊക്കെയുള്ള പ്രചാരണമാണ് ഫഹദിനെക്കുറിച്ച് ഇപ്പോൾ ഉള്ളത്.
ഇതിനെല്ലാം മറുപടിയുമായാണ് താരം ഇപ്പോൾ രംഗത്തുവന്നിരിക്കുന്നത്. താൻ ആരോടും ഡേറ്റ് തരില്ലെന്ന് പറഞ്ഞിട്ടില്ലെന്നും തനിക്ക് താരജാഡയില്ലെന്നും ഫഹദ് ഫാസിൽ പറയുന്നു. നാനയുമായുള്ള അഭിമുഖത്തിലാണ് താരം ഇക്കാര്യം വ്യക്തമാക്കിയത്. ഞാൻ മാറിയിട്ടുണ്ടെങ്കിൽ അത് എന്റെ കഥാപാത്രങ്ങൾക്ക് വേണ്ടി മാത്രമാണ്. അതുപോലെ ഡേറ്റ് തരില്ലെന്ന് ഞാൻ ആരോടും പറഞ്ഞിട്ടില്ല.
എനിക്ക് കൂടി തൃപ്തികരമാകുന്ന, എന്നെകൂടി എക്‌സൈറ്റ്‌മെനറ് ചെയ്യിക്കുന്ന സിനിമയായിരിക്കണം. എന്റെ സിനിമകള്‍ ആളുകള്‍ കാണണം എന്‍ജോയ് ചെയ്യണമെന്നാണ് എന്റെ ആഗ്രഹം. അതിനപ്പുറത്ത് വേറൊന്നും ചിന്തിക്കാനില്ല. സിനിമയില്‍ നിന്ന് ഏഴെട്ട് വര്‍ഷം മാറിനിന്നെങ്കിലും പ്രതീക്ഷയോടെയാണ് തിരിച്ച് വന്നതെന്നും ഫഹദ് പറഞ്ഞു.
