ലുങ്കിയുടുത്ത് തോക്കുമായി ബന്‍വാര്‍ സിംഗ് ഷെഖാവത്ത്, ഇത്തവണ ഫഹദ് ഞെട്ടിക്കും,പുഷ്പ 2 സ്‌പെഷ്യല്‍ പോസ്റ്റര്‍ പുറത്ത്
ഫഹദ് ഫാസിലിന്റെ ജന്മദിനത്തോടനുബന്ധിച്ച് 'പുഷ്പ: ദ റൂളി'ലെ സ്‌പെഷ്യല്‍ പോസ്റ്റര്‍ പുറത്തുവന്നു.ബന്‍വാര്‍ സിംഗ് ഷെഖാവത്ത് ഐ.പി.എസ് ഓഫീസറായി ശക്തമായ വേഷത്തില്‍ ഫഹദ് ഉണ്ടാകുമെന്ന് ഏതാണ്ട് ഉറപ്പായി. ലുങ്കിയുടുത്ത് ഒരു കൈയില്‍ കോടാലിയും മറുകയ്യില്‍ ചൂണ്ടിയ തോക്കുമായി നില്‍ക്കുന്ന ഫഹദിനെയാണ് പോസ്റ്ററില്‍ കാണാനായത്.
500 കോടി ബജറ്റിലാണ് സിനിമ ഒരുങ്ങുന്നത്. ജഗദീഷ് പ്രതാപ് ഭണ്ഡാരി, ജഗപതി ബാബു, പ്രകാശ് രാജ്, അനസൂയ ഭരദ്വാജ് എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
